Promove Integridade Funsionáriu Públiku, ba Jestaun Rekursu Humanus nebe mak eficiente no Efikás sai nudar topiku iha loron Mundial Anti Korupsaun 2016

img_7454 img_7540Prezidente KFP sai nudar orador ba Seminariu Komemora Loron Mundial  Anti Korupsaun nebe monu iha loron sexta feira 9 dezembru 2016.Iha seminariu   nebe halao iha  Administrasaun  Munisipiu Likisa, ho prezensa husi Funsinariu Públiku sira estudantes,Organizasaun Naun Govermental ne’e,Prezidente  KFP hato’o Topiku  kona ba Promove Integridade  Funsionariu Públiku,ba Jestaun Rekursus  Humanus nebe mak Efisiente no Efikaz.Tema seminariu loron mundial  KAK  mak  Utilizasaun  Rekursu Estadu  nian ho Responsabilidade nudar dalan ba Prevensaun Korupsaun.

Objetivu principal husi seminariu ne’e  atu kria ambiente públiku ida nebe kritika  ba lalaok  ou sasukat utilizasaun sasan Estadu  nian,foo hanoin no loke matan entidade  na’in sira atu sai nudar  liman no matan Komisaun  nian hodi hatutan mensajem an-korupsaun ba entidade sira hodi evita husi hahalok korupsaun  nebe deskreve  iha Kodigu Penal  nian ,atu nune bele  optimaliza  Rekursu Estadu nian ho nia benefisiu be bem-estar povu iha Nasaun ne’e.

Seminariu ne’e remata ho Asinatura  Nota de Entendemnetu entre KAK ho Cepad nudar Organisaun ida nebe serbisu iha area kombate korupsaun,no fahe prendas ba estudantes  sira nebe partisipa iha kompetisaun SERTAME no Deskursu.