Atribuição de distinções e prémios

img_3845 img_3902

Komisaun Funsaun Publika segunda feira ne’e halao’o atribuisaun Distinsaun no Premiu ba funsionariu iha Administrasaun Públika ho dezenpenú exemplar, hamutuk nain nen iha seminariu nasional feto nebe realiza iha Salaun Nobre Ministeriu Negosiu Estranjeiru no Koperasaun.

Premiu ne’ebe KFP kondekora ba funsionariu exenplar nain nen ne’e kompostu husi feto nain hat no mane nain rua ne’ebe mai husi Provedoria Direitus Umanus no Justisa, Ministeriu da Saude, Ministeriu Solidariedade Sosial no Ministeriu da Justisa.
Prezidente KFP hateten katak KFP atribui distinsaun i premiu ba funsionariu publiku nain nen ne’e tamba, hatudu dezenpenu a’as, diak karakteriziadu ho kreatividade, inovasaun, efisiensia efikasia, profissionalismu, dedikasaun aptidaun, abnegasaun iha prosessu prestasaun serbisu ba iha sosiedade no ba iha estadu.
Prezidente hateten katak premiu nebe Komisaun kondekora ba funsionariu sira ne’e ema nain nen mak tama kategoria husi kandidatus 153,ema nain nen ne’e kompostu husi Ministeriu Saúde nain 2 ne’ebe mai husi rejime espesial, nudar parteira serbisu iha sentru saúde Bobonaru no ida seluk teknika analista no saude Publika nebe serbisu iha sentru saude Balibo, enkunatu nain rua seluk mai husi instituisaun, PDHJ.
Funsionariu nain 4 ne’e, hetan premiu Orden de Meritu no monitariu ho montante rihun tolu ne’ebe orsamentu mai husi Gabinete Primeiru Ministru no funsionariu nain 2 seluk husi Ministeriu Justisa no MSS hetan sertifikado de louvor.
Prezidente mos akrezenta katak iha dekretu lei numeru 41/2015 kolia kona ba oportunidade feto atu hetan distinsaun no premiu, iha dekretu ne’e koalia katak wainhira iha avalisaun no julgamentu iha pontuasaun kah valor hanesan entre feto ida ho mane ida maka prioridade foo ba feto.
Premiu ba funsionariu iha Administrasaun Públika ho dezenpenú exemplar ba tinan 2016 entrega direitamente husi Primeiru Ministru DR.Rui Maria de Araújo, Ministru Administrasaun Estatal, Dr. Dionisio Babo Soares,Vise Ministru MNEK Dr. Roberto Soares, Prezidente KFP no Provedor PDHJ .